Dan l-avveniment annwali, organizzat mir-Rappreżentanza tal-Kummissjoni Ewropea f’Malta f’kollaborazzjoni mal-Ministeru għall-Ekonomija, Fondi Ewropej u Artijiet, iservi ta’ opportunità biex l-awtoritajiet u l-partijiet ikkonċernati jiddiskutu kif il-Pjan għall-Irkupru u r-Reżiljenza qiegħed jaħdem f’Malta. L-avveniment se jagħmel aċċenn partikolari fuq it-tranżizzjoni lejn l-enerġija rinnovabbli, il-ħiliet, u l-aċċess tan-negozji ż-żgħar għall-finanzjament tal-UE.
- Faċilità għall-Irkupru u r-Reżiljenza
- L-Erbgħa 8 ta' Novembru 2023, 09.00 - 13.00 (CET)
- il-Belt Valletta, Malta
Programm
- 8 ta' Nov 2023, 09.00 - 13.00 (CET)L-Implimentazzjoni tal-Pjan għall-Irkupru u r-Reżiljenza f’Malta: Kisbiet u Sfidi
9:00 – 9:20 Rimarki tal-ftuħ
- Lorenzo Vella, Kap tar-Rappreżentanza tal-Kummissjoni Ewropea f’Malta
- Celine Gauer, Direttur Ġenerali, SG-RECOVER, il-Kummissjoni Ewropea
- L-Onor. Dr Chris Bonett, Segretarju Parlamentari għall-Fondi Ewropej, il-Ministeru għall-Ekonomija, Fondi Ewropej u Artijiet
9:20 – 10:20 It-tranżizzjoni ekoloġika: ir-rinnovabbli u REPowerEU
- Celine Gauer, Direttur Ġenerali, SG-RECOVER, il-Kummissjoni Ewropea
- Dr Joseph Vassallo, Maniġer ta’ Diviżjoni, Interconnect Malta
- David Xuereb, President, Kunsill Malti għall-Iżvilupp Ekonomiku u Soċjali
- Prof. Luciano Mule Stagno, Direttur, Istitut għall-Enerġija Sostenibbli, Università Malta
- Dr Suzanne Maas, Koordinatur tal-Kampanja għall-Klima, Friends of the Earth Malta
10:20 – 10:40 Waqfa għall-kafè
10:40 – 11:40 Nindirizzaw il-ħiliet: ekoloġiċi, diġitali, mediċi u lil hinn- Isabel Grilo, Direttur,DĠECFIN
- L-Onor. Dr Clifton Grima, Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni
- Dr Marthese Portelli, Kap Eżekuttiv, il-Kamra tal-Kummerċ, in-Negozju u l-Intrapriża
- Josef Bugeja, Segretarju Ġenerali, General Workers Union
- Matthew Caruana, Kap Eżekuttiv,Junior Achievement Malta
11:40 – 12:00 Waqfa għall-kafè
12:00 – 13:00 Aċċess għall-finanzjament (tal-UE) mill-SMEs- Mary Veronica Tovsak Pleterski,Direttur, DG GROW
- Claude Sammut, Direttur Generali, il-Ministeru għall-Ekonomija, il-Fondi Ewropej u l-Artijiet
- Denise Fiorentino, Kap Eżekuttiv, Servizzi Ewropej f’Malta
- Abigail Mamo, Kap Eżekuttiv, il-Kamra Maltija għan-Negozji Żgħar u Medji
- Daniel Borg, Kap Eżekuttiv, il-Kamra tan-Negozju għal Għawdex
Rimarki tal-għeluq
Informazzjoni prattika
- Meta
- L-Erbgħa 8 ta' Novembru 2023, 09.00 - 13.00 (CET)
- Fejn
- Gran Salonil-Berġa ta’ Provenza (il-Mużew tal-Arkeoloġija), Triq il-Repubblika, il-Belt Valletta, Malta
- Lingwi
- Ingliż
Deskrizzjoni
Fl-2020, b’risposta għall-kriżi mingħajr preċedent ikkawżata mill-coronavirus, il-Kummissjoni Ewropea pproponiet l-istrument għall-irkupru NextGenEU.
Il-Faċilità għall-Irkupru u r-Reżiljenza nibtet minn NextGenEU sabiex tgħin lill-Istati Membri joħorġu aktar b’saħħithom u reżiljenti mill-kriżi tal-COVID-19. Għal dan il-għan, l-RRF għamlet disponibbli €672.5 biljun f’għotjiet u self biex tappoġġa r-riformi li għamlu l-Istati Membri fil-Pjanijiet għall-Irkupru u r-Reżiljenza tagħhom (RRP).
Il-Pjan Malti għall-Irkupru u r-Reżiljenza kien maqbul mal-Kummissjoni Ewropea f’Settembru 2021 u fih 16-il proġett ta’ investiment u 31 riforma li jkopru l-prijoritajiet tan-newtralità klimatika; id-dekarbonizzazzjoni tat-trasport; l-ekonomija diġitali, intelliġenti u reżiljenti; is-saħħa; l-edukazzjoni ta’ kwalità u s-sostenibbiltà soċjo-ekonomika; it-tisħiħ tal-qafas istituzzjonali, u REPowerEU. Malta għandha allokazzjoni totali ta’ €328 miljun bis-saħħa tal-Faċilità għall-Irkupru u r-Reżiljenza.
L-implimentazzjoni ta’ dawn il-miżuri ta’ investiment u riforma fil-pjan ta’ Malta għaddejja ġmielha. Barra minn hekk, il-pjan ġie rivedut fis-sajf tal-2023 biex jinkludi kapitlu dwar REPowerEU, li jappoġġa l-introduzzjoni ta’ enerġija rinnovabbli u l-investiment fil-grilja tal-elettriku kif ukoll il-ħżin fil-batteriji.
Dan l-Avveniment Annwali huwa opportunità biex l-awtoritajiet u l-partijiet ikkonċernati jiddiskutu kif il-Pjan għall-Irkupru u r-Reżiljenza qiegħed jaħdem f’Malta. L-avveniment se jiffoka b’mod partikolari fuq kif il-Pjan, flimkien ma’ opportunitajiet oħra ta’ finanzjament tal-UE, qiegħed jindirizza xi wħud mill-aktar sfidi soċjo-ekonomiċi pressanti ta’ Malta, bħat-tranżizzjoni lejn l-enerġija rinnovabbli, il-ħiliet, u l-aċċess għall-finanzjament min-negozji ż-żgħar.
Ir-Rappreżentanza tal-Kummissjoni Ewropea, b’kollaborazzjoni mal-Ministeru għall-Ekonomija, il-Fondi Ewropej u l-Artijiet, se tospita dan l-avveniment annwali fit-8 ta’ Diċembru fil-Berġa ta’ Provenza (il-Mużew tal-Arkeoloġija), li fi żmien l-Ordni ta’ San Ġwann kienet id-dar tal-Kavallieri li ġejjin minn dik li llum hi Franza.
Ġentilment navżawkom li bħalissa għaddejjin xogħlijiet ta’ restawr f’dan is-sit storiku. Sabiex nipproteġu l-art tal-injam fis-sala tal-konferenzi, nitolbukom ma tilbsux żraben bit-takkuna għall-ponta.
Aktar informazzjoni:
Il-Pjan ta’ Rkupru għall-Ewropa f’Malta
Il-paġna dwar il-Pjan għall-Irkupru u r-Reżiljenza ta’ Malta