Prijoritajiet tal-Kummissjoni Ewropea: 2019 - 2024

Kull 5 snin, fil-bidu ta’ kull mandat ġdid tal-Kummissjoni Ewropea, il-President jistabbilixxi l-oqsma ta’ prijorità li l-Kummissjoni tkuse tiffoka fuqhom.

Wara r-riżultat tal-elezzjonijiet Ewropej fl-2019, u l-mandat mogħti mill-Kunsill Ewropew u l-Parlament Ewropew, il-Kummissjoni von der Leyen ressqet sett ta’ għanijiet ambizzjużi għall-futur tal-Ewropa:

in-newtralità klimatika sal-2050
nagħmlu s-snin għoxrin (2020) id-Deċennju Diġitali tal-Ewropa
nagħmlu l-Ewropa aktar b’saħħitha fid-dinja b’approċċ aktar ġeopolitiku

6 Prijoritajiet tal-Kummissjoni Ewropea: 2019 - 2024

Patt Ekoloġiku Ewropew

Il-bini ta’ strateġija ġdida ta’ tkabbir biex l-Unjoni Ewropea tiġi ttrasformata f’ekonomija moderna, newtrali f’termini ta’ emissjonijiet tal-karbonju, effiċjenti fl-użu tar-riżorsi, sostenibbli u kompetittiva.

Ewropa Lesta għall-Era Diġitali

It-tisħiħ tas-sovranità diġitali, b’enfasi ċara fuq id-data, it-teknoloġija u l-infrastruttura għal trasformazzjoni diġitali li taħdem għall-Ewropej kollha

Ekonomija għas-servizz tan-nies

L-UE għandha toħloq ambjent ta’ investiment aktar attraenti, u tkabbir li joħloq impjiegi ta’ kwalità, speċjalment għaż-żgħażagħ u n-negozji ż-żgħar.

Ewropa aktar b’saħħitha fid-dinja

L-UE ser issaħħaħ il-vuċi tagħha fid-dinja billi tippromwovi l-multilateraliżmu u ordni globali bbażat fuq ir-regoli.

Il-promozzjoni tal-istil ta’ ħajja Ewropew

L-Ewropa trid tipproteġi l-istat tad-dritt jekk trid tiddefendi l-ġustizzja u l-valuri ewlenin tal-UE.

Spinta ġdida għad-Demokrazija Ewropea

Jeħtieġ li nagħtu vuċi akbar lill-Ewropej u nipproteġu d-demokrazija tagħna mill-interferenza esterna bħad-diżinformazzjoni u l-messaġġi ta’ mibegħda online.

Ara kif il-prijoritajiet tal-UE jitwasslu f'Malta

Eżempji ta’ proġetti u inizjattivi f’Malta

Il-Pjan ta' Rkupru għall-europa

Minbarra s-6 prijoritajiet ewlenin, il-Kummissjoni Ewropea qed tmexxi wkoll programm biex tappoġġja l-irkupru tal-Ewropa wara l-ħasra soċjali u ekonomika kkawżata mill-pandemija tal-COVID-19.

Ħoloq Relatati:

L-istabbiliment ta' prijoritajiet madwar l-UE kollha

Linji gwida politiċi (2019-2024)

Kisbiet tal-Kummissjoni Von Der Leyen u Miri għall-Futur

Il-programm ta’ ħidma tal-Kummissjoni Ewropea