Niktbu għal kulħadd: il-lingwa inklużiva u l-kontenut aċċessibbli f’Malta

• Il-lingwa Maltija kif tista' tintuża biex tkun aktar inklużiva?

• Dak li qed niktbu, huwa aċċessibbli għal kulħadd?

• Qegħdin, mingħajr ma nafu, nonqsu lil gruppi ta' nies permezz ta' dak li niktbu u kif nippreżentawh?

Ingħaqdu magħna għal din il-konferenza li fiha se nesploraw dawn it-temi u aktar bis-saħħa ta' esperti dinjija u professjonisti fis-suġġett, permezz ta’ preżentazzjonijiet u workshops prattiċi.

Jippreżentaw: Prof. Jorge Díaz-Cintas (CenTraS, UCL), Dr Giselle Spiteri Miggiani (Department of Translation, Terminology and Interpreting Studies, UM) u Romario Sciberras (Dipartiment tal-Malti, UM). Tiftaħ il-konferenza l-Kummissarju Ewropew għall-Ugwaljanza, Dr Helena Dalli. Aktar dettalji fl-aġenda bilingwi.

Il-preżentazzjonijiet se jixxandru online u se jkun hemm interpretar mill-Malti għall-Ingliż u għal-lingwa tas-sinjali Maltija fis-sala.

Din l-attività hija parti mill-kalendarju ta’ Translating Europe Workshops organizzati mid-Direttorat Ġenerali għat-Traduzzjoni tal-Kummissjoni Ewropea, u qed tittella’ bi sħab mad-Dipartimenti tal-Malti u d-Dipartiment tat-Traduzzjoni, it-Terminoloġija u l-Interpretar fl-Università ta' Malta.