Żanżan Kelma

Żanżan Kelma hija inizjattiva li tħeġġeġ lit-tfal jiskopru l-ġmiel tal-lingwa Maltija b’mod kreattiv, divertenti u parteċipattiv. Permezz ta’ din l-esperjenza, it-tfal jingħataw l-opportunità jesprimu ruħhom bil-Malti, jkabbru l-imħabba tagħhom lejn il-lingwa, u jħossuhom aktar kunfidenti jużawha f’kuntesti differenti.

L-inizjattiva tfittex li trawwem kurżità dwar il-kliem, il-ħsejjes u l-espressjonijiet tal-Malti, filwaqt li tħeġġeġ lill-parteċipanti jużaw il-lingwa bħala mezz ta’ ħsieb, komunikazzjoni u kreattività. Żanżan Kelma tagħti spazju lit-tfal biex jesploraw il-lingwa b’mod ħieles u pożittiv, u biex japprezzawha bħala parti importanti mill-identità tagħhom.

Il-ġenituri/kustodji li jixtiequ li wliedhom jieħdu sehem f’Żanżan Kelma 2026 jistgħu japplikaw permezz tal-link t’hawn taħt: https://forms.gle/Gnw4yukqMusF4r5U8

Żanżan Kelma hija parti mill-programm ta’ attivitajiet għall-Jum L-Ewropew tal-Lingwi f’Malta f’2026