- Il-Ħadd 25 ta' Ottubru 2026, 19.00 (CET)
- Il-Belt Valletta, Malta
Informazzjoni prattika
- Meta
- Il-Ħadd 25 ta' Ottubru 2026, 19.00 (CET)
- Fejn
- University of Malta Valletta CampusTriq San Pawl, Il-Belt Valletta, Malta
- Lingwi
- Ingliż, Malti
- Social media links
Deskrizzjoni
Il-kunċert Ħoss il-Malti jirritorna f’Festalingwi bis-sehem ta’ Nadine Axisa u Ġiżimina, nhar il-Ħadd 25 Ottubru, fis-19:00, fil-Valletta Campus Theatre.
Il-fil li jgħaqqad dawn iż-żewġ artisti f’din is-serata hija r-rinvenzjoni.
Nadine Axisa, li l-aħħar album tagħha Il-Ħoss tal-Għabex huwa magħmul minn bosta rinvenzjonijiet radikali ta’ kanzunetti lokali klassiċi, se tkun qed tislet mir-repertorju tagħha u ta’ artisti oħrajn biex toffrilna ritratt tal-mużika Maltija li tħobb. Għal dan il-kunċert, se tkun akkumpanjata mill-pjanista Christian Borg.
Ġiżimina – l-alter ego ta’ Yasmin Kuymizakis (magħrufa aktar bħala Joon) – se tippreżenta l-mużika tal-album tagħha Id-Dlam Id-Dawl, li ħareġ din is-sena, li huwa msejjes fuq siltiet qosra minn rekordings arkivjali, li bil-produzzjoni tagħha jieħdu ħajja ġdida f’kanzunetti pop.
Id-dħul għal dan il-kunċert huwa b’xejn, u l-biljetti jistgħu jinkisbu minn din il-ħolqa: https://www.eventbrite.com/e/oss-il-malti-festalingwi-nadine-axisa-u-gizimina-tickets-2003297545887
Festalingwi, attività lokali għall-Jum Ewropew tal-Lingwi, hija mtellgħa mill-uffiċċju tad-DĠ Traduzzjoni tal-Kummissjoni Ewropea f’Malta bi sħab mal-Università ta’ Malta, bl-appoġġ tar-Rappreżentanza tal-Kummissjoni Ewropea f’Malta.
